આ દેહ પ્રભુ નુ મંદિર છે.... { ફુલો વેરાણા ચોક મા }

આ દેહ પ્રભુ નુ મંદિર છે,
       ત્યાં ઝળહળ જ્યોત બિરાજે છે.
ઓહમ સોહમ ની વિણા નુ,
       ત્યાં   ગીત   મધુરું   ગાંજે   છે.
આ હ્રદય બન્યું છે ઝાલર ને,
        ત્યાં  નીયમિત  ડંકા  વાગે  છે.
એ મંદિરમા જો મેલ ભર્યો તો,
         માનવ   થઇ  શુ   છાજે   છે?
છે સુન્દર ચેતન તિર્થ ભુમિ,
          તે  પરહિત  ને  પ્રભુ કાજે છે.
જીવન ને સાર્થક જો ન કર્યું ,
           તો   દેવ  નુ  દિલડુ  દાઝે  છે.
અહીં યમુના છે, અહીં ગંગા છે,
           અહીં મોરમુકટધર  રાજે છે.
આંતર ચક્ષુ થી દ્વષ્ટી કરો,
          પ્રભુ અહીંનો અહીં બિરાજે છે.
આ દેહ પ્રભુ નુ મંદિર છે!!!

     
         { ફુલો વેરાણા ચોક મા }

    ~ભક્ત કવિ શ્રી ત્રાપજકર દાદા ~

    સંપાદક :-  રાજુભાઈ બી. ભટ્ટ
            મો:- 9824474306