શિવોહમ્.{ ફુલો વેરાણા ચોક મા }

                    (૧)
અનુકૂળતા  ને  તમે  સુખ  મા  નો,
પ્રતિકુળતાને   તમે   દુ:ખ   માનો;
સુખો ને દુ:ખોની આ વ્યાખ્યા તમારી,
તમારાથી જુદી છે વ્યાખ્યા અમારી.
                    (૨)
તમે તો સદા ભોગમાં સુખ માન્યાં,
અમે તો સદા ભોગમાં દુ:ખ માન્યાં,
તમે  તો  સદા રાગમાં  સુખ માન્યાં,
અમે સ્વાર્થના ત્યાગમાં સુખ માન્યાં.
                     (૩)
ન સતા મહતા, ન કિર્તિ ન માયા,
ન પુત્રો કલત્રો, ન મિત્રો ન માયા,
ન ભ્રાતા  ન પિતા, ન બેની બનોઈ,
તમારા ગણો પણ તમારુ ન કોઈ.
                    (૪)
નથી સ્થીર વર્ષા, નથી સ્થીર વૃષ્ટિ,
નથી સ્થીર દ્રષ્ટિ, નથી સ્થીર સૃષ્ટિ,
સદા સ્થીર સત્યમ્, વદો મંત્ર સોહમ્,
રટો આત્માથી શિવોહમ્ શિવોહમ્.
                    (૫)
મળે તો જ શાન્તિ, મળે તો જ સુખો,
ગળે  ગર્વ   મિથ્યા , ટળે  સર્વ  દુ:ખો;
જીવો  જો  હમેશા,  પ્રભુ  ને  સહારે,
તરી ને  જશે    નાવ    સામે   કિનારે.

        { ફુલો વેરાણા ચોક મા }

    ~ભક્ત કવિ શ્રી ત્રાપજકર દાદા ~

    સંપાદક :-  રાજુભાઈ બી. ભટ્ટ
            મો:- 9824474306