દરીયો શું કામ ડોળે દીવાના!
ખોળા માં પડયુ કેમ ખોળેમુસાફીર!
દરીયો શું કામ ડોળે રે ...જી
પાણીનું ટીપું પાવું પડે નહી કરમ વાવેલા કોળે;
ખાજાંને ચુરમાં ખુબ ખાધાં, પણ ગરલ વીંટયું છે ગોળે; મુસાફીર!
દરીયો શું કામ ડોળે રે ...જી
માંપ કે તોલા કાઈ મળે નહી, ત્રાજવે શું કામ તોળે?
તારી કેડીં એ હાથ થી કાંટા ફાંટુ ભરીને ફોળે ? મુસાફીર!
દરીયો શું કામ ડોળે રે ...જી
અમૃત પડયું તારી આખ ની સામે, ઘટમાં વીખડા ઘોળે;
ખજાને નાખ્યુ એતો કોક ખાવાનાં, ટીડ મળ્યા છે ટોળે -મુસાફીર!
દરીયો શું કામ ડોળે રે ...જી
દીલનાં ડાધ ધોતો નથી ને શરીરે સાબુ ચોળે;
ભલો થવા તારી ભુલ નો ટોપલો બીજા ની માથે કેમ ઢોળે? મુસાફીર!
દરીયો શું કામ ડોળે રે ...જી
હાથ અડે ત્યા હૈયુ દાઝે એવા ઢગલા ક્યા ઢંઢોળે?
મોંઘું રતન તારા રુદીયે બેઠું એને રાંખમાં શું કામ રોળે ? મુસાફીર!
દરીયો શું કામ ડોળે રે ...જી
''આતમવાણી''
{ ભક્ત કવિ શ્રી ત્રાપજકરદાદા }
સંકલન :- રાજુભાઇ ભટ્ટ
મો:-9824474306
No comments:
Post a Comment