વાલા! તારા હૈયામાં પડી ગઈ છે રે હડતાળું રે
મોઢાની મીઠપ રાખ મા રે.....જી.
કાં તો તારા ખજાને ખંભાતી દીધુ તાળું રે;
મોઢાની મીઠપ રાખ મારે....જી.વાલા!
દીનનાં તું દુ:ખ ટાળે,ગીતમાં તેં ગાયું;
દુ:ખ ટાણે કાઢયું તારા દિલડે દિવાળું રે,
મુકાણું મીડું શાખ માં રે .....જી.વાલા!
અંત ધડી આવી તોયે વહારે નહી આવ્યો ;
તપતા તનડે લાગી છે જબરી ઝાળું રે, રોળાશે મનડું રાખમાં રે .....જી.વાલા!
સમદર ખારા માથે શેષની પથારી;
સંગનો એ રંગ તારા રુદામાં હું ભાળું રે,
ધરણીને રાખી, ધાકમાં રે....જી.વાલા!
સોળસો ને આઠ તને રાણીયું રંજાડે;
ધર કજીયામાં તારું મોઢું થઈ ગ્યુ કાળું રે,
નથડી તેં પહેરી,નાકમાં રે....જી.વાલા!
ઘંટીએ દળાણાં વાલા, ઘાણીએ પિલાણા;
ત્યારે તારાં નેહભીનાં નયનો નિહાળું રે;
આળસ અંગે , રાખમાં રે ....જી.વાલા!
'' બંસરી મિઠાસ ભરી''
{ ભક્ત કવિ શ્રી ત્રાપજકરદાદા }
સંપાદન :- રાજુભાઈ ભટ્ટ
No comments:
Post a Comment