શીખવી પડશે.... { ફુલો વેરાણા ચોક મા }

પ્રભુતા પામવા માટે લઘુતા શીખવી પડે
મહતા મેળવી લેવા નમ્રતા શીખવી  પડશે

તમારા  વાણી વર્તન  નો બધે પડધો પડી જશે
ગુરુ થનાર ને પહેલા ગુરુતા શીખવી પડશે

હતી જે જીત ની બાજી ભલે તે હારમા આવી
અને એ હાર માથી  પણ સફળતા શીખવી પડશે

જાય છે સાપ દર મા ત્યા, નથી ચાલતો વાંકો
ગણાવુ હોય સજ્જન મા, સરળતા શીખવી પડશે

જમાનો ગયો છે પલટી,નહી કોઈ કોઈનુ સાંખે
તમારી ઉગ્ર ભાષા ને મૃદુતા શીખવી પડશે

તમારા આત્મા ની જેવો સહુમા આત્મ સરખો છે
નથી કોઈ ઉંચ કે નીચા, એકતા શીખવી પડશે

         { ફુલો વેરાણા ચોક મા }

    ~ભક્ત કવિ શ્રી ત્રાપજકર દાદા ~

    સંપાદક :-  રાજુભાઈ બી. ભટ્ટ
            મો:- 9824474306