માડીના ઝાઝા છે ખમકાર મજિયારી મિલકત ભાગીદાર!
ખેતર ની વ્હેંચણીના કરનાર ખેતરને ખેડવા માંડો રે.
ખેતર ખેડવા માંડો રે....
વેંત વધુ કે વેંત ઓછું એનો કરશો નહિ વિચાર,
ખેતરમાં ખાતર ભર્યું એના દેવા છે
અપરંપાર,
હાથે હળ હાકવા માંડો રે ....
ખેતરને ખેડવા માંડો રે ...
ઝાઝુ થોડું કરશો નહીં એનો ટૂંકમાં દઉં છું જવાબ,
કયો બેટો વધુ ધાવણ ધાવ્યો, હોય ન માને હિસાબ,
ધોરીડાને જોડવા માંડો રે ....
ખેતર ને ખેડવા માંડો રે...
દેશ વિદેશ દેવુ કરતી , પેટ ભરૂ છું આજ,
માને ભીખતી નહીં મટાડો તો બેટડા જાશે લાજ,
દાતરડાની સજવા માંડવો રે...
ખેતરની ખેડવા માંડવો રે...
અહિંસા ને વીરતામાં છે પ્રેમ અને તલવાર, ગાંધીજી ને શિવાજીના, ગુણોના વારસદાર!
બાંધી કેડ રળવા માંડો રે...
ખેતરની ખેડવા માંડો રે...
વ્યાજના રૂપે સંપતિ સીતા, રાવણ હરીને જાય, એકલ મારો રામ જવાહર તો જ લંકા જીતાય,
મળી પાજ બાંધવા માંડો રે...
ખેતરને ખેડવામાં રે...
એકબીજાના કરજો રખોપા, રાતદી કરજો કામ,
જુદા પડતા એમ મળો જેમ ભેટ્યા ભરત ને રામ,
મીઠાં બીજ વાવવા માંડો રે...
ખેતરની ખેડવામાં રે ...
{ મહારાષ્ટ્ર અને ગુજરાતના વિભાજન સમયે મુંબઈ મલાડના આદર્શ દુગ્ધાલયમાં સત્કાર સમારંભ યોજાયો હતો. મુંબઈના મુખ્યપ્રધાન સ્વ. ચૌહાણ હતા અને ગુજરાતના પ્રથમ મુખ્ય પ્રધાન સ્વ. જીવરાજભાઇ મહેતા ધારાસભ્યો અને ત્રણ હજાર આમંત્રિતોના ભોજન સમયે ગાએલુ આ કાવ્ય શ્રોતાઓએ ભારે હર્ષનાદો થી વધાવી લીધલુ. }
ફુલો વેરાણા ચોકમાં
ભક્ત કવિ શ્રી ત્રાપજકર દાદા
સંપાદક :- રાજુભાઈ ભટ્ટ
મો:- 9824474306
No comments:
Post a Comment