સમય નું રમકડું બની હું રમ્યો છું

                     " ગઝલ "

બુરાઈન ગાશો ન ગાશો ભલાઈ ,
નથી  દોષ મારો ન  મારી  વડાઈ ,
લઈ જન્મ જગમાં સદા કમકમ્યો છું ,
સમય નું રમકડું બની હું રમ્યો છું .૧

નચાવ્યા ઘણાને હું નાચી રહ્યો છું ,
દીધા  દાન હાથે  હું યાચી રહ્યો છું ,
કદી હું ઉગ્યો  છું  કદી આથમ્યો છું,
સમય નું રમકડું બની હું રમ્યો છું. ૨

રુદન ને છૂપાવી મેં સૌને હસાવ્યા ,
દુભાયો છું દિલ થી ન કોઈને દુભાવ્યા,
ન ભૂલું છતાંયે હું ભૂલી ભમ્યો છું ,
સમયનું રમકડું બની હું રમ્યો છું .૩

લૂંટાયો છું કાયમ ન કોઈને લુટીયા છે,
રડયો  છું  હું એવું કે  અશ્રુ  ખૂટ્યા છે ,
લઘુ  દીવડો  હૂં  બની  ઝગમગ્યો   છુ,
સમય નું રમકડું બનવું રમ્યો છું. ૪

મે હારી જવામાં સદા જીત માની,
લડ્યો ઢાલ રાખિ ધીરજ અને ક્ષમાની,
નમાવ્યા  ન  કોઈને  હું  સૌને  નમ્યો  છું ,
સમય નું રમકડું બની હું રમ્યો છું. ૫

છુપાવીને દુઃખો સુખી થઈ ફર્યો છું ,
ના કોઈ થી ડર્યો પણ અસત્યે ડર્યો છું,
અધુરો    છતાંયે   પ્રભુને   ગમ્યો   છું
સમય નું રમકડું બની હું રમ્યો છું .૬

                બંસરી મીઠાશભરી

           ( ભક્ત કવિ શ્રી ત્રાપજકર દાદા )
      

                સંપાદક:- રાજુભાઈ ભટ્ટ
                  મો:-9824474306