{ રાગ :- ઊડી જાઓ પંખી પાખો વાળા }
આંખ થી નથી જોવાતો, જમાનો આવો,
જીવથી નથી જરવાતો, જમવાનો આવો,
આંખ થી નથી જોવાતો રે ....જી
વડલો તપતો છાંયડો આપે, સેવા કરતા સુકાતો, મહેમાન આવે ત્યાં ફેરવે મોઢું, પાણી એ નથી પાતો.
જમાનો આવો....
મેઘરાજાનું મનડું મોટુ, ગુણ પોતાના નથી ગાતો,
દાન દીધું એની દુનિયા પાસે વારેવારે કરે વાતો,
જમાનો આવો....
સુરજ સળગે પર ને કાજે, આતમ નથી અકળાતો,
ઝુપડી પરની જગતી જુએ, ઓલવવાયે નથી જતો.
જમાનો આવો....
બ્રહ્માંડ જેવડું ઘર ઘડ્યું ઈ કડિયા થી કોતરાતો,
કોક નવડાવે ત્યારે ન્હાતો ને ખાતો, સુવડાવે આવે ત્યારે સુઈ જાતો.
જમાનો આવો....
દુનિયા દામને દેવ માને છે, નથી સગપણ નથી નાતો,
માનવી દાનવરૂપ ધરીને માનવ ભરખી જતો.
જમાનો આવો....
" આતમવાણી "
- ભક્ત કવિ ત્રાપજકર દાદા -
સંપાદક :- રાજુભાઈ ભટ્ટ
મો :- 9824474306
No comments:
Post a Comment