સ્વાતંત્ર્યં પર્વણી

                  (૧)
પંદર મી ઓગસ્ટ પર્વણી, ઉમંગ થી અહીં ઉજવાતી,
સ્વતંત્ર ભારતની એ મંગલ સ્મૂતિ બની ને મલકાતી;
કોઈ વર્ષમાં હરખાતી ને કોઈ વર્ષમાં કચવાતી,
નગરે નગરે ગ્રામે ગ્રામે, ગૌરવ નાં તું ગીત ગાતી.
                  (૨)
રાષ્ટ્ર તણા ઘડતર ની દેવી ખરેખરી તું બડભાગી,
કારણ નિદ્રા ઘોર તજી ને સમસ્ત જનતા છે જાગી,
પ્રવૂતિ ને પુરુષાર્થ તણી તુ, મશાલ લઈને આવી છે,
દલિતો તેમજ પીડિતો કેરુ હવે ઊજળુ ભાવિ છે.
                  (૩)
તુજ આગમન માટે કૈંક શહીદની અણદીઠ ખાંભી ખોડાણી,
કોડ ભરી કોઈ અબળાનાં આંસુની ગંગા ઊભરાણી;
જનનીના લાડકવાયા ની કોઈ બેનના બાંધવની-
લાશો દાટી ત્યાં હળુક દઈ ને મૂકજે તુજ પગની પાની.
                  (૪)
આ ફાની દુનીયા છોડી ને ઇતિહાસ વિજયનો લખીગયા,
એ મરજીવા તો અમર થયા ને પ્રબળ પ્રેરણ દઈ ગયા,
ફરકાવ્યો ત્રિરંગી ઝંડો સ્વતંત્રતા સાચુ ઘન છે,
તુજ કાજે જે થયા શહીદો, લાખ અમારાં વંદન છે.

    ''ફુલો વેરાણા ચોક માં''

{ ભક્ત કવિ શ્રી ત્રાપજકરજી }

સંપાદક :- રાજુભાઈ ભટ્ટ
     મો :- ૯૮૨૪૪૭૪૩૦૬