ભજન બંસરી મીઠાશ ભરી

                    ભજન

          (રાગ માઢ લાવણી)

ઊંડા મહાસાગર ના પાણી રે ,

           માછલી તરસી તોય દેખાણી.

પાણીએ ઘડાણી ને પાણીએ પોષાણી,

           પાણીમાં   રમતું   રમાણી;

પાણીમાં ઘર અને ઘોલકી માંડ્યા ,

         પાણીના રંગે રંગાણી રે ......માછલી..

લોઢે એ લેવાની ને કાંઠે કુટાણી ,    

               વમળે  પાછી તણાણી;

 પાણી ભંમર થી માંડ માંડ ઉગરી, 

 તોયે કરતી પાણી પાણી ......માછલી..

મચ્છીમાર નો મચ્છ વો આવ્યો ,

                માછલી કૈક મરાણી;

આવીને કાળી જાળને પાથરી,

જળમાં ઝટ ઝડપાણી રે ......માછલી....

જળમાંથી પછી મછવે નાખી ,

           ટીપુંય ન  મળ્યું  પાણી ,

પાણીની ઝંખના માં જીવડો ખોયો,

 જીવન થયું ધૂળધાણી રે ......માછલી...

            બંસરી મીઠાશ ભરી

        (ભક્ત કવિશ્રી ત્રાપજકર દાદા)

     

            

     સંપાદક :- રાજુભાઈ ભટ્ટ

          9824474306