પ્રેમ ની રીત છે...... { ફુલો વેરાણા ચોક મા }

પ્રેમ ની રીત છે ખરેખર ન્યારી,
મોહ મહીં જે ડુબી ગ્યા તે શું જાણે સંસારી .... પ્રેમ ની રીત છે.

કાં તો શબરી નુ મન જાણે, જાણે જનકદુલારી,
કાં જાણે ગોકુળ ની ગોપી, જાણે કુંજબીહારી .... પ્રેમ ની રીત છે.

મીરા નુ એક મનડું જાણે , હસતા વિષ પીનારી,
કાં તો દ્રુપદતનયા જાણે, કાં તો ગૌતમ નારી .... પ્રેમ ની રીત છે.

નરસી જાણે, તુલસી જાણે, કબીર ની બલિહારી,
પ્રેમ રીતને જાણી તેણે નૈયા પાર ઉતારી .... પ્રેમ ની રીત છે.

         { ફુલો વેરાણા ચોક મા }

    ~ભક્ત કવિ શ્રી ત્રાપજકર દાદા ~

    સંપાદક :-  રાજુભાઈ બી. ભટ્ટ
            મો:- 9824474306