સંભારુ તને શ્યામળા '' બંસરી મિઠાસ ભરી''

વાલા મારી વસમી વેળાએ કરજે વારુરે;
સંભારુ તને શ્યામળા હો જી!
નહીતર જીવતર થાશે મારુ ખારુ રે;
સંભારુ તને શ્યામળા હો જી!... વાલા મારી

વનરા જગી છે વાલા!  તનડા તપે છે મારા;
મનડા બળે તે કયાં જઈ ઠારુ રે ?
સંભારુ તને શ્યામળા હો જી!... વાલા મારી

નરસૈયાને નોતી મુડી, હરી તેં શિકારી હુંડી;
ખોટ તારા ખાતે એમ ઊધારું રે.
સંભારુ તને શ્યામળા હો જી!... વાલા મારી

વાદળ ઘેરાણુ ઘેરું, ભાંગ્યાનો તું છે ભેરુ;
શોધી લીધુ શરણ મેં તારુ રે.
સંભારુ તને શ્યામળા હો જી!... વાલા મારી

           '' બંસરી મિઠાસ ભરી''

      { ભક્ત કવિ શ્રી ત્રાપજકરદાદા }

        સંપાદન :- રાજુભાઈ ભટ્ટ
                મો:-9824474306