મળો પ્રભુ, ભરત જેવા ભાઈ
ભરત જેવા ભાઈ,જેને મન સ્વારથની ન સગાઈ.
મળો પ્રભુ, ભરત જેવા ભાઈ
મોસાળમાંથી આવીઆ એને અવઘ દુ:ખમાં દેખાઇ;
કૌશલ્યા રોંયા ને કૈકેઇ હસી ત્યારે કપટબાજી કળાઇ.
મળો પ્રભુ, ભરત જેવા ભાઈ
બાપુક્યાં છે? મારો બાંધવક્યાં છે? ક્યાં છે જાનકી રઘુરાય?
વન ગયાની વાત સુણી ત્યારે, આખમાં આંસુડાં ન માય.
મળો પ્રભુ, ભરત જેવા ભાઈ
કારણ હું, ને કરણી કૈકેઇની, મારી કરમ કઠણાઈ;
રાજ નેપાટ મારે જોતાં નથી, મારા રુદામાં રામની દુહાઈ.
મળો પ્રભુ, ભરત જેવા ભાઈ
રામે પાળયું પિતાવચન ને લક્ષ્મણે પાળી સેવકાઇ;
ભરતે રાજ્યને ત્યાગીને માંડી, આ તો સજ્જનતાની સરસાઈ.
મળો પ્રભુ, ભરત જેવા ભાઈ
રામને ભરતજી ભેટીયા, જેમ શિવમાં જીવ સમાય;
આંસુડે રામના પગ પખાળ્યા, ત્યારે રોતી હતી વનરાઈ.
મળો પ્રભુ, ભરત જેવા ભાઈ
'' બંસરી મિઠાસ ભરી''
{ ભક્ત કવિ શ્રી ત્રાપજકરદાદા }
સંપાદક :- રાજુભાઈ ભટ્ટ
મો :- 9824474306
No comments:
Post a Comment