સ્વ.સન્મિત્ર કવિ શ્રી કાગને સ્મરણાંજલિ '' ફુલો વેરાણા ચોક માં''

કાગ! તારી વાણી પર જાઉં વારી,

તારી વાણી પર જાઉં વારી,તારી નાખણી સૌથી ન્યારી;

કાગ! તારી વાણી પર જાઉં વારી,

કંઠ, કવિતા, ભેળી કહેણી કરામત કરનારી,

રામના હાથથી બાણ છુટે, તારા બોલોની બલિહારી ;

કાગ! તારી વાણી પર જાઉં વારી,

ફુલડે રમિયો વ્રેમંડ ફરિયો, સાગર ડુબકી મારી,

છીપલાં તારવ્યાં ને મોતી મુલવ્યા ઓળખનો અલગારી;

કાગ! તારી વાણી પર જાઉં વારી,

રામ રિઝાવ્યા ત્રુઠી વરુડી, મનવ્યા મુરલીધર,

તારી જીભે ગીતા વહાવી પ્રગટ પાવનકાર;

કાગ! તારી વાણી પર જાઉં વારી,

રાગ બડો કે ત્યાગ બડો? એવી વાતોને વિસ્તારી,

કાગવાણીને દીવડે રહેશે, જ્યોત્યુ ઝણહળનારી;

કાગ! તારી વાણી પર જાઉં વારી,

         '' ફુલો વેરાણા ચોક માં''

   { ભક્ત કવિ શ્રી ત્રાપજકરદાદા }

        સંકલન :- રાજુભાઇ ભટ્ટ 

           મો :- 9824474306